भये प्रगट कृपाला

- Tripti Shakya

Published : 2024-10-17 18:27:36 Reders : 1

भए प्रगट कृपाला दीनदयाला,
कौसल्या हितकारी ।
हरषित महतारी मुनि मन हारी,
अद्भुत रूप बिचारी ।।

लोचन अभिरामा तनु घनस्यामा,
निज आयुध भुजचारी ।
भूषन बनमाला नयन बिसाला,
सोभासिंधु खरारी ।।

कह दुइ कर जोरी अस्तुति तोरी,
केहि बिधि करूं अनंता ।
माया गुन ग्यानातीत अमाना,
वेद पुरान भनंता ।।

करुना सुख सागर सब गुन आगर,
जेहि गावहिं श्रुति संता ।
सो मम हित लागी जन अनुरागी,
भयउ प्रगट श्रीकंता ।।

ब्रह्मांड निकाया निर्मित माया,
रोम रोम प्रति बेद कहै ।
मम उर सो बासी यह उपहासी,
सुनत धीर मति थिर न रहै ।।

उपजा जब ग्याना प्रभु मुसुकाना,
चरित बहुत बिधि कीन्ह चहै ।
कहि कथा सुहाई मातु बुझाई,
जेहि प्रकार सुत प्रेम लहै ।।

माता पुनि बोली सो मति डोली,
तजहु तात यह रूपा ।
कीजै सिसुलीला अति प्रियसीला,
यह सुख परम अनूपा ।।

सुनि बचन सुजाना रोदन ठाना,
होइ बालक सुरभूपा ।
यह चरित जे गावहिं हरिपद पावहिं,
ते न परहिं भवकूपा ।।

Credit Details :

Song: Bhaye Pragat Kripala
Singer: Tripti Shakya
Music: Sohan Lal
Lyrics: Chiranji Lal Agarwal

अगर आपको यह भजन अच्छा लगा हो तो कृपया इसे अन्य लोगो तक साझा करें।