।। दोहा ।।
राम नाम सबसे बड़ा, इससे बड़ा न कोय।
अपने बल तो रावण बड़े, जो लंका देवे खोय।
राम गयो वनवास म्हारो ,
लखन गयो वनवास।
चंदा छुप जा रे बादल में ,
म्हारो राम गयो वनवास।
राम बिना म्हारी सुनी अयोध्या ,
लखन बिना ठकुराई।
सीता बिना म्हारो सुनो रसोड़ो ,
कोण करे चतुराई।
चंदा छुप जा रे बादल में ,
म्हारो राम गयो वनवास। टेर।
आगे आगे राम चलत है ,
पीछे लक्मण भाई।
बिच में तो चले जानकी ,
शोभा वरणी न जाई।
चंदा छुप जा रे बादल में ,
म्हारो राम गयो वनवास। टेर।
सावण बरस भादवो बरसे ,
पवन चले पुरवाई।
वृक्ष के निचे तीनो भीगे ,
राम लखन सीता माई।
चंदा छुप जा रे बादल में ,
म्हारो राम गयो वनवास। टेर।
रावण मार राम घर आये ,
घर घर बटत बधाई।
सुर नर मुनिजन करत आरती ,
तुलसीदास जश गाई।
चंदा छुप जा रे बादल में ,
म्हारो राम गयो वनवास। टेर।
Credit Details :
Song: Chanda Chup Ja Re Badal Me
Singer: Anil Nagori
Music: NMG Studio
अगर आपको यह भजन अच्छा लगा हो तो कृपया इसे अन्य लोगो तक साझा करें।