जयति तेऽधिकं जन्मना व्रजः
श्रयत इन्दिरा शश्वदत्र हि ।
दयित दृश्यतां दिक्षु तावका
स्त्वयि धृतासवस्त्वां विचिन्वते ॥1॥
शरदुदाशये साधुजातसत्स-
रसिजोदरश्रीमुषा दृशा ।
सुरतनाथ तेऽशुल्कदासिका
वरद निघ्नतो नेह किं वधः ॥2॥
विषजलाप्ययाद्व्यालराक्षसा-
द्वर्षमारुताद्वैद्युतानलात् ।
वृषमयात्मजाद्विश्वतोभया
दृषभ ते वयं रक्षिता मुहुः ॥3॥
न खलु गोपिकानन्दनो भवा-
नखिलदेहिनामन्तरात्मदृक् ।
विखनसार्थितो विश्वगुप्तये
सख उदेयिवान्सात्वतां कुले ॥4॥
विरचिताभयं वृष्णिधुर्य ते
चरणमीयुषां संसृतेर्भयात् ।
करसरोरुहं कान्त कामदं
शिरसि धेहि नः श्रीकरग्रहम् ॥5॥
व्रजजनार्तिहन्वीर योषितां
निजजनस्मयध्वंसनस्मित ।
भज सखे भवत्किंकरीः स्म नो
जलरुहाननं चारु दर्शय ॥6॥
प्रणतदेहिनांपापकर्शनं
तृणचरानुगं श्रीनिकेतनम् ।
फणिफणार्पितं ते पदांबुजं
कृणु कुचेषु नः कृन्धि हृच्छयम् ॥7॥
मधुरया गिरा वल्गुवाक्यया
बुधमनोज्ञया पुष्करेक्षण ।
विधिकरीरिमा वीर मुह्यती-
रधरसीधुनाऽऽप्याययस्व नः ॥8॥
तव कथामृतं तप्तजीवनं
कविभिरीडितं कल्मषापहम् ।
श्रवणमङ्गलं श्रीमदाततं
भुवि गृणन्ति ते भूरिदा जनाः ॥9॥
प्रहसितं प्रिय प्रेमवीक्षणं
विहरणं च ते ध्यानमङ्गलम् ।
रहसि संविदो या हृदिस्पृशः
कुहक नो मनः क्षोभयन्ति हि ॥10॥
चलसि यद्व्रजाच्चारयन्पशून्
नलिनसुन्दरं नाथ ते पदम् ।
शिलतृणाङ्कुरैः सीदतीति नः
कलिलतां मनः कान्त गच्छति ॥11॥
दिनपरिक्षये नीलकुन्तलै-
र्वनरुहाननं बिभ्रदावृतम् ।
घनरजस्वलं दर्शयन्मुहु-
र्मनसि नः स्मरं वीर यच्छसि ॥12॥
प्रणतकामदं पद्मजार्चितं
धरणिमण्डनं ध्येयमापदि ।
चरणपङ्कजं शंतमं च ते
रमण नः स्तनेष्वर्पयाधिहन् ॥13॥
सुरतवर्धनं शोकनाशनं
स्वरितवेणुना सुष्ठु चुम्बितम् ।
इतररागविस्मारणं नृणां
वितर वीर नस्तेऽधरामृतम् ॥14॥
अटति यद्भवानह्नि काननं
त्रुटिर्युगायते त्वामपश्यताम् ।
कुटिलकुन्तलं श्रीमुखं च ते
जड उदीक्षतां पक्ष्मकृद्दृशाम् ॥15॥
पतिसुतान्वयभ्रातृबान्धवा-
नतिविलङ्घ्य तेऽन्त्यच्युतागताः ।
गतिविदस्तवोद्गीतमोहिताः
कितव योषितः कस्त्यजेन्निशि ॥16॥
रहसि संविदं हृच्छयोदयं
प्रहसिताननं प्रेमवीक्षणम् ।
बृहदुरः श्रियो वीक्ष्य धाम ते
मुहुरतिस्पृहा मुह्यते मनः ॥17॥
व्रजवनौकसां व्यक्तिरङ्ग ते
वृजिनहन्त्र्यलं विश्वमङ्गलम् ।
त्यज मनाक् च नस्त्वत्स्पृहात्मनां
स्वजनहृद्रुजां यन्निषूदनम् ॥18॥
यत्ते सुजातचरणाम्बुरुहं स्तनेष
भीताः शनैः प्रिय दधीमहि कर्कशेषु ।
तेनाटवीमटसि तद्व्यथते न किंस्वित्कू
र्पादिभिर्भ्रमति धीर्भवदायुषां नः ॥19॥
इति श्रीमद्भागवत महापुराणे पारमहंस्यां संहितायां
दशमस्कन्धे पूर्वार्धे रासक्रीडायां गोपीगीतं
नामैकत्रिंशोऽध्यायः ॥
Jayati Te'adhikam Janmana Vrajah
Shrayata Indira Shashvadatra Hi.
Dayita Drishyatam Dikshu Tavaka
Tvayi Dhritasavastvam Vichinvate (1)
Sharadudashaye Sadhujatasats-
Rasijodarashrimusha Drisha.
Suranath Te'ashulkadasika
Varada Nighnato Neha Kim Vadhah (2)
Vishajalapyaayadvyaalarakshasa-
Dvarshamaarutaadvaidytanalaat.
Vrishamayaatmajadvishwatoabhaya
Drishabh Te Vayam Rakshitaa Muhuh (3)
Na Khalu Gopikaanandano Bhavaa-
Nakhiladehinaamantaraatmadrik.
Vikhanasaarthito Vishwaguptaye
Sakh Udeyivaansaatvatam Kule (4)
Virachitaabhayam Vrishnidhurya Te
Charanamiyusham Sansruterbhayaat.
Karasaroruham Kaanta Kaamadam
Shirasi Dhehi Nah Shreekaragraham (5)
Vrajajanaartihanveera Yositaan
Nijajanasmayadhwansanasmita.
Bhaja Sakhe Bhavatkinkaree: Sma No
Jalaruhananam Chaaru Darshaya (6)
Pranatadehinampapakarshanam
Trinacharaanugam Shreeniketanam.
Phaniphanararpitam Te Padaambujam
Krinu Kucheshu Nah Krindhi Hriichhyam (7)
Madhurayaa Giraa Valguvaakyayaa
Budhamanojnyaa Pushkarekshan.
Vidhikareemaa Veer Muhyate-
Radharisidhunaa''paayayaswa Nah (8)
Tava Kathamritam Taptajeevanam
Kabibheeriditam Kalmashapaham.
Shravanamangalam Shreemadatatam
Bhuvi Grinanti Te Bhuurida Janah (9)
Prahasitam Priya Premaveekshanam
Viharann Chate Dhyaanamangalam.
Rahasi Sanvidah Yaa Hridisprishah
Kuhak No Manah Kshobhayanti Hi (10)
Chalasi Yadvrajaachchaarayann Pashoon
Nalinasundaram Naath Te Padam.
Shilatrinaankuraih Seedateeti Nah
Kaalilataam Manah Kaanta Gachchhati (11)
Dina Parikshaye Neelakuntalai-
Vrnaruhananam Bibhradaavritam.
Ghanarajaswalam Darshayanmuhu-
Rmanasi Nah Smaram Veer Yachchhasi (12)
Pranatakamadam Padmajaarchitam
Dharaṇimandanam Dhyeeyamapadi.
Charanapankajam Shantamanchate
Ramana Nah Stneshvayadhihann (13)
Suratavardhanam Shokanaashanam
Swaritavenuenaa Sushthum Chumbitam.
Itararagavismaranam Nrinaam
Vitar Veer Naste'adharaamritam (14)
Atati Yadbhawaanahni Kaananam
Trutiryugayate Tvaamapashyataam.
Kuttilakuntalam Shreemukham Chate
Jad Udeekshataam Pakshmakriddrishaam (15)
Patisutaanvayabhaatrubandhavaa-
Nativilanghya Te'antyachyutagataah.
Gatividasthavodgeetamohitaah
Kitava Yoshitah Kastyaajennishhi (16)
Rahasi Sanvidam Hriichchhoyudayam
Prahasitaananam Premaveekshanam.
Brihadurah Shriyo Veekshya Dhaam Te
Muhuratishprihah Muhyate Manah (17)
Vrajavankusaan Vyaktirang Te
Vrijinahantaryalam Vishwamangalum.
Tyaj Manakcha Nastaatsprihatmanam
Swajanahridrujaam Yannisoodanam (18)
Yatte Sujaatacharanaamburuham Staneh
Bheetaa Shanaih Priya Dadhimahaarkasheshu.
Tenaataveematsiti Tadvyathate Na Kinsvitkoo-
Padhibhirbhramati Dheerbhavadaayushaam Nah (19)
Iti Shreemadbhagavata Mahapuranam Paramahamsyaam Sanhitaayam
Dashamaskandhe Poorvardhe Raasakreedayam Gopigeetam
Namaikatrimsho'dhyaayah
Credit Details :
Song: Gopi Geet
Singer: Devi Chitralekhaji
Lyrics: Traditional
अगर आपको यह भजन अच्छा लगा हो तो कृपया इसे अन्य लोगो तक साझा करें।