म्हाने सेवा रो अवसर दिजो राज, भैरु दादा रंगीला,
आज दर्शन रा कोड म्हारा पुरजो राज, भैरु दादा रंगीला ।
थारा भक्ति रा भूखा आया राज, भैरु दादा रंगीला,
म्हारी डोर, धनी थे संभालजो राज, भैरु दादा रंगीला ॥
थाने जैन - अजैन माने राज, भैरु दादा रंगीला,
नर - नारीया मंगल गावे राज, भैरु दादा रंगीला ।
थारा भक्तों ने पर्चो दिजो राज, भैरु दादा रंगीला,
दीन - दुःखिया री झोली भारजो राज, भैरु दादा रंगीला ॥
म्हाने सेवा रो अवसर दिजो राज, भैरु दादा रंगीला..
थारो डूंगरु पर डमरू बाजे राज, भैरु दादा रंगीला,
खड़ग - खप्पर धारी आवजो राज, भैरु दादा रंगीला ।
थारो त्रिशूल की धरती धूजै राज, भैरु दादा रंगीला,
थारो पर्चो जगत में छावे राज, भैरु दादा रंगीला ॥
म्हाने सेवा रो अवसर दिजो राज, भैरु दादा रंगीला..
आवो पधारो म्हारे आंगने राज, भैरु दादा रंगीला,
आवो घुंघरिया घमकाओ राज, भैरु दादा रंगीला ।
नाकोड़ा परिवार री मनुवार मानो राज, भैरु दादा रंगीला,
थारा भक्त मिठाई जिमावे राज, भैरु दादा रंगीला ॥
म्हाने सेवा रो अवसर दिजो राज, भैरु दादा रंगीला..
अगर आपको यह भजन अच्छा लगा हो तो कृपया इसे अन्य लोगो तक साझा करें।