Bam-Bam Bam-Bam, Agad Bam Babam,
Bam-Bam Bam-Bam
Gauran Ji Ko Chale Hain Viahne, Shankar Ji Tripurari,
Sajne Lagi Baraat Bheed, Kailash Judi Hai Bhaari
Vishnu Lakshmi Dono Aaye, Ban Ke Chale Baraati Ji
Indra Aur Indrani Aa Gaye, Le Aaye Iraavat Haathi Ji
Hans Ke Upar Brahma Aaye, Sang Mein Aaye Saraswati Ji
Bhaise Par Yamraj Aa Gaye, Apne Doot Saath Laye
Narad Ji Bhi Aa Pahunche Hain, Kar Mein Veena The Uthaye
Sab Gan Shankar Ji Ke Aaye, Shukra Shanichar Sang Laye
Agad Bam Babam, Bagad Bam Babam,
Babam Bam Babam, Bam Lahari
Shiv Ji Ke Gan Aaye Paas Mein, Shiv Ko Phir Sajane Lage
Ang Bhabhuti Rama Gayi Phir, Baghambar Pehnane Lage
Sarpon Ke Kundal Kaanon Mein, Jata Ka Mukat Banane Lage
Ek Haath Trishul Ek Se, Damaru Phir Bajane Lage
Haathon Mein Sarpon Ke Kangan, Sir Upar Gangadhar Vahe
Jag Ko Bhaybheet Bana Sarpon Ke, Pehna Gal Mein Haar Rahe
Dulha Bana Rahe Baba Ko, Phool Naadi Ab Daal Rahe
Agad Bam Babam, Bagad Bam Babam,
Babam Bam Babam, Bam Lahari
Bhoot Pishaach Bhi Chale Jhoom Ke, Koi Gora Aur Koi Kaala
Daant Kisi Ke Baahar Nikle, Kate Siro Ki Thi Maala
Kisi Ki Taang Khajoor Si Lambi, Aur Koi Bade Pet Wala
Bawan Bhairav Chhappan Kalmein, Jhoom Ke Dhol Bajave The
Chausath Yogan Nache Koode, Geet Khushi Ke Gaave The
Reechh Aur Bandar Haathi Ghode, Nache Dhul Udaave The
Agad Bam Babam, Bagad Bam Babam,
Babam Bam Babam, Bam Lahari
Aage Bhole Peeche Baraati, Baraat Gram Ko Le Aayi
Dhol Nagaade Bajte Jaate, Baaj Rahi Thi Shehnaai
Indra Ke Dooton Ne Jhatpat, Khabar Nagar Mein Pahunchai
Raja Himachal Ne Apne, Sabhi Panch Phir Bulvaaye
Ral Mil Ke Sab Chalo Saath Mein, Baraat Gauran Ki Le Aaye
Sabhi Panch Tab Himachal Ke, Karne Ko Swagat Aaye
Agad Bam Babam, Bagad Bam Babam,
Babam Bam Babam, Bam Lahari
Dekhan Ko Baraat Aa Gaye, Bachche Boodhe Nar Naari
Bhoot Preton Ko Dekh Dekhkar, Bachche Maare Kilkaari
Dar Darke Bachche Bhaage Aur, Peeche Bheed Lagi Bhaari
Bhaage Bhaage Saare Baalak, Maat Pita Se Aa Bole
Gauran Ki Baraat Nahi Hai, Bhoot Pret Ke Hain Tole
Roop Bhayankar Hai Inka Aur, Vah Adbhut Boli Bole
Agad Bam Babam, Bagad Bam Babam,
Babam Bam Babam, Bam Lahari
Gauran Ji Sakhiyan Yun Boli, Hum Dulhe Ki Karen Aarti
Janwashe Mein Jaakar Dekhen, Kaise Kaise Aaye Baraati
Akkh Machauli Bagdi Dam Dam, Kaise Kaise Ghode Haathi
Assi Baras Ka Budha Dulha, Dekh Ke Sakhiyan Dukhi Hui
Baghambar Ki Khaal Thi Oadhi, Raakh Badan Par Mali Hui
Gale Mein Sarpon Ki Maala Thi, Lambi Daadhi Badhi Hui
Bhaag Ke Sakhiyan Ghar Aayi, Gauran Se Jaaye Bakhaan Kiya
Hum Ne Jaakar Janwashe Mein, Tera Dulha Dekh Liya
Tera Pati Bhooton Ka Raja, Tujhe Kuen Mein Phenk Diya
Itni Umar Tere Dulhe Ki, Budha Kheda Bhi Chek Diya
Agad Bam Babam, Bagad Bam Babam,
Babam Bam Babam, Bam Lahari
Baat Suni Boodhe Dulhe Ki, Maina Ko Gussa Aaya
Narak Mein Ghar Ho Pandit Ji Ka, Kaisa Dulha Batlaya
Bhaag Phod Diye Meri Beti Ke, Jodi Ka Var Na Paaya
Bhikh Mange Sang Meri Gauran, Kabhi Na Viahhi Jaayegi
Rona Hoga Zindagi Bhar Ka, Pal Pal Kasht Uthayegi
Buddha Dulha Dekh Ke Gauran, Apni Jaan Ganvayegi
Agad Bam Babam, Bagad Bam Babam,
Babam Bam Babam, Bam Lahari
Dekh Dukhi Maata Apni Ko, Gauran Ne Narad Bulvaya
Shankar Ji Ko Bhejo Prarthna, Dheere Se Yun Farmaya
Kaisa Khel Rachaya Swami, Kaisi Phailai Maaya
Sakhi Saheli Taahana Maare, Budha Dulha Batlaya
Rishtedaar Sab Hansi Udaave, Maata Laga Mare Faansi
Maan Badhao Maat Pita Ka, Laaj Rakho Hey Avinaashi
Ya To Swami Mujhe Apna Lo, Praan Tajun Main Kailashi
Agad Bam Babam, Bagad Bam Babam,
Babam Bam Babam, Bam Lahari
Itne Vachan Kahe Narad Ne, Bhole Tab Muskaaye The
Solah Saal Ki Umar Bana Li, Naag Bhi Door Hataaye The
Mundon Ki Maala Phenk Di Phir, Sundar Roop Banaaye The
Moh Li Saari Nagari Bhaiya, Khushi Ke Dhol Bajaaye The
Baaje Madhur Baje Devon Ke, Pariyan Naach Rahi Saari
Bachche Boodhe Khushi Manaate, Naach Rahe Sab Nar Naari
Raja Rani Khushi Hue, Bhole Ki Dekh Yeh Chhavi Pyari
Agad Bam Babam, Bagad Bam Babam,
Babam Bam Babam, Bam Lahari
Shiv Shankar Aaye Dwaare Par, Peeche Saari Baraat Aayi
Jaymala Le Chali Hai Gauran, Dekh Ke Sakhiyan Muskaayi
Gauran Ne Shiv Ko Shiv Ne Gauran Ko, Jhatpat Maala Pehnaayi
Dulha Pahunch Gaya Mandap Mein, Gaura Paas Bithaayi Thi
Brahma Ji Ne Mantra Bolkar, Vedi Tabhi Rachaayi Thi
Phere Saath Padhe Donon Ke, Shiv Sang Shakti Viahhi Thi
Agad Bam Babam, Bagad Bam Babam,
Babam Bam Babam, Bam Lahari
Phoolon Ki Varsha Hone Lagi Thi, Phir Baraat Ko Vida Kiya
Bail Naadiya Saja Sajakar, Gauran Ko Upar Bitha Diya
Bhole Baith Gaye Gauran Sang, Aage Naadiya Badha Diya
Agad Bam Babam, Bagad Bam Babam,
Babam Bam Babam, Bam Lahari
Credit Details :
Song: Shiv Ki Barat Bam Lahari
Singer: Karampal Sharma & Manju Sharma
Lyrics: Karampal Sharma
Music: Gulshan Music
अगर आपको यह भजन अच्छा लगा हो तो कृपया इसे अन्य लोगो तक साझा करें।